ESKUBALOIA
Artalekun lortu ez duena, etxetik
kanpo aurkitu beharko du Bidasoa-Irunek. Kordoban jokatuko du gaur, Pozoblancoko
Juan Sepúlveda pabilioiean (18.00). Joan den larunbatean Gijónen kontra galdu
zuten horiek etxean eta play-off postuetatik kanpo daude momentu honetan.
Zortzi partida gelditzen dira Ohorezko B Mailako Liga bukatzeko eta hemendik
aurrera, estropezu bakoitza behin betikoa izan daiteke.
Horregatik,
Pozoblancon irabaztea behar-beharrezkoa du Fernando Bolearen taldeak. Orain
arte, etxetik kanpo ez da ondo aritu baina duela bi aste Zarautzen irabaztea
lortu zuen eta Gijónen aurka ere, emandako itxura ona izan zen. Pozoblanco
sailkapeneko hamargarren postuan dago eta Bidasoak baino hiru puntu gutxiago
ditu. Joan den astean Errenterian galdu zuen Ereintzaren aurka, baina etxean
sendo ari dira. Hori ez da Bidasoaren arazo bakarra izango gainera. Leo
Renaudek erabat osatu gabe jarraitzen du eta ezin izango du parte hartu. Bere
taldekideek lan handia egin beharko dute Pozoblancon garaipena eskuratzeko.
minuto90.com
No hay comentarios:
Publicar un comentario