FUTBOLA
Bigarren itzuliko lehenengo
partida jokatuko du bihar Real Unionek Izarraren aurka, Stadium Galen. Urrun gelditzen
da denboraldi hasierako binako berdinketa eta bi taldeen egoera guztiz
ezberdina da orain. Lizarrakoak sailkapeneko azken aurreko postuan daude eta
bigarren itzuli bikaina egin beharko dute jaitsiera saihesteko. Joan den astean
2-0 galdu zuten Mendizorrotzan, Chechu Martínez entrenatzailearen
estreinaldian. Real Union bosgarren postuan dago, baina Izarrak bezala, hiru
puntuak behar ditu. Lehenengo itzuliari eman dion amaiera kaskarraren ondoren, lehenbailehen
norabidea zuzendu behar du, play-off postuetan dauden aurkariek ihes egin ez
dezaten. Lau puntura dago momentu honetan, laugarren dagoen Amorebieta.
Baldintzatutako deialdia
Imanol Idiakezek ez du hamaikakoa
osatzeko aukera handirik izango. Bere aginduetara duen jokalari jopurua ez da
handia eta lesio eta zigorrek are gehiago mugatzen dute. Gabarainek eta
Colinasek lesionatuta jarraitzen dute eta Alex Albistegik bost txartel hori
pilatu eta partida bateko zigorra bete beharko du. Orain arte ezinbesteko pieza
izan da eibartarra zelai erdian eta bere hutsunea betetzeko arazoa izango du
Idiakezek. Deialdia osatzeko, filialeko jokalari bat gutxienez hautatu beharko
du entrenatzaileak. Litekeena da joan den astean debuta egin zuen Pablo Balerdi
izatea donostiarraren aukera.
realunionclub.com
No hay comentarios:
Publicar un comentario