Etxetik kanpo irabazita, zulotik
ateratzea lortu du La Bacaladera-Hondarribiak. 31-34 irabazi zuen igandean Usurbilen,
Atez Ate taldearen kontra. Usurbilekoek etxean jokatutako lau partidetatik hiru
zituzten irabaziak, eta bigarren porrota jaso zuten bidasoarren aurka. Badirudi
Hondarribiak hasiera txarrari buelta eman diola eta hamaikagarren postuan
jarri da zazpi punturekin. Lau ateratzen dizkio gainera, azken aurrekoan dagoen
Trapagarani. Abenduaren 15ean jokatuko du hurrengo partida La Bacaladerak,
azken postuan dagoen Basauriren kontra, Hondartzan.
Irungo
Gaztiak-ek ezin izan zuen bolada ona luzatu, eta Eibarren galdu zuen Haritzaren
aurka (31-29). Lehenengo zatian zehar etxekoak izan ziren nagusi eta
bigarrenean beltzek markagailua berdintzea lortu zuten arren, lehenengo zatiko
akats berdinek abantaila eman zioten Haritzari. Azken erreakzio bat ere izan
zuen Irungok, baina bi goleko aldea nahikoa izan zen puntuak Eibarren
gelditzeko. Sailkapeneko seigarren postuan dago Irungo Gaztiak, zazpi
punturekin. Aste honetan, Hondarribiak bezala, atsedena izango du, eta
abenduaren 16an jokatuko du berriro, Legazpiko Lau Bide Jatetxea liderraren
aurka.
No hay comentarios:
Publicar un comentario