Laugarren partida bete du Real Unionek Galen punturik lortu gabe

Hamar minututan erabaki du neurketa Imanol Idiakezen Toledok

FUTBOLA

REAL UNION 1-2 TOLEDO

REAL UNION: Otermin, Piette, Azkoiti (Valín, 47’), Yeray, Seguin, Rodellar, Eneko Romo, Hugo (72’), Abaroa (78’), Oscar Vega, Goikoetxea.

TOLEDO: Manolo, Morales, Tete, Cuerva, Toño Vázquez (68’), San José, Colinas (85’), Albistegi, Rufino (Ramos, 89’), Barranco, Aguirre.

GOLAK: 0-1: Rufino, 36’. 2-0: Rufino, 44’. 2-1: Abaroa, 57’.

EPAILEA: Pere Barceló Roca (Katalunia)

Fidagarritasun osoa galdu du Real Unionek Stadium Galen. Gaurkoarekin lau partida galdu ditu segidan etxean. Neurketa ona osatu dute txuribeltzek, baina bi akats aski izan dira Toledok garaipena eskuratzeko. Gaur aurkariek ez dute hutsik egin, eta irundarren egoera larritu egin da. Hamabosgarren da Real Union. Bi puntura dauka promozio postua, eta laura jaitsiera zuzena. Tartea agortu zaio.

Idiakezen Toledo talde indartsua den arren, gogor estutu behar izan du Sergio Franciscorena gainditzeko. Serio irten dira irundarrak, eta fin ibili dira lehenengo zatian zehar. Baloiaren jabetza aurkariarekin partekatu dute, baina arrisku handiagoa sortu dute, Seguinen ezker hegaletik batez ere. Eibartarraren erdiratzeek eragin dituzte abagunerik onenak. 11. minutuan Goikoetxea ez da errematea egitera iritsi. 31.ean, Azkoitik buruz erantzun dio Seguinek ateratako kornerrari, baina atezainak geldiketa bikaina egin du.

Alferrikako ahalegina

Atsedenaldiaren aurreko hamar minutuetan, Toledok garaipena bideratu du. Baloi luze batek Oterminen eta Rufinoren arteko buruz-burukoa eragin du. Atezainak ez du irteeran asmatu, areatik kanpo ukitu du baloia eskuarekin, eta sarerako bidea hartu du zuzenean. Oterminek ez du txartela jaso, baina Toledok abantaila hartu du markagailuan. Zortzi minutu beranduago, txuribeltzek gaizki defendatutako korner batean Rufinok berak bigarrena sartu du. Zelaian ikusitakoa kontuan hartuta, zigor handia jaso du Unionek.

Sergio Franciscoren taldeak ez du burua galdu. Bide beretik jarraitu du bigarren zatian, baloia jokatuz eta gol aukerak bilatuz. 49.minutuan Hugo Rodriguezek eradiratzea egin du eskuin hegaletik, Abaroak ukitu ondoren Seguini iritsi zaio, baina lateralak atezainaren eskuetara egin du jaurtiketa. 57.ean saria aurkitu dute txuribeltzek. Abaroak buruz borobildu du eskuin hegaletik ateratako falta bat. Unionek berdinketaren bila jarraitu du, eta azken momenturaino egin du ahalegina. Baina Toledok gol bateko aldea mantendu eta hiru puntuak eskuratu ditu.

realunionclub.com

Xabier Otermin atezainak egindako adierazpenak: