Realaren
laguntza jasoko du Irungo klubak aurrera ateratzeko
FUTBOLA
Ondorengo orduetan egingo du
ofizial Real Unionek 2014/2015 denboraldirako entrenatzailearen izena. Aitor
Zulaika azpeitiarra eseriko da Stadium Galeko aulkian. Debuta egingo du 2.B
mailan lehenengo entrenatzaile moduan. Herriko Lagun Onak-en urteak eman
ondoren, Jose Luis Riberaren laguntzaile izan zen Sestao Riverren 2012/2013an.
Zulaikak bi lagun izango ditu ondoan. Manu Merino bigarren entrenatzaile izango
da, eta Ibon Zoilo prestatzaile fisiko.
Real Unionen etorkizuna
argitzen hasi baldin bada, Realaren babesari esker izan da. Donostiako klubaren
laguntza ekonomikoa jasoko du Stadium Galeko elkarteak, baina trukean, hainbat
baldintza bete beharko ditu. Entrenatzailearena da lehenengo adibidea, eta udan
zehar iritsi daitezkeen jokalariekin berdina gerta daiteke. Orain arte Real Unionek
utzitako bizpahiru jokalari izan baditu, aurten bikoitza baino gehiago izan
daitezke. Realaren gidaritza izango du Unionen proiektu berriak.
Aitor Zulaika (diariovasco.com)
No hay comentarios:
Publicar un comentario