Liga
eta Txapelketa irabazi dituzte berdeek
ARRAUNA
Gipuzkoa mailako
trainerilletan nagusi dela frogatu du Hondarribia Arraun Elkarteak. Modalitateko
bi proba jokatu dira asteburuan Mutrikun. Gipuzkoako Ligako bederatzigarren eta
azken jardunaldia, eta Gipuzkoako Txapelketa. Bietan, Hondarribiko Beñat Elzo
ontzia izan da azkarrena.
Larunbatean garaipenarekin
borobildu zuten liga berdeek. Lehia estua izan zuten San Juanekin, eta segundo
bakarrean sartu ziren bi ontziak. Orio izan zen hirugarren, ia lau segundoko
atzerapenarekin. Sailkapen nagusian, Hondarribiak bukatu du lehenengo postuan,
66 punturekin.
Gipuzkoako Txapelketan ere,
txapela jantzi du Hondarribia Arraun Elkarteko taldeak. Garaipen argiagoa izan
da igandekoa. Sei segundoko aldea izan dute berdeek San Juanekiko, eta ia
hamarrekoa Oriorekiko. San Pedro izan da laugarren. Datorren asteburuan
Euskadiko Txapelketa jokatuko da Mutrikun bertan.
EMAITZAK:
https://www.facebook.com/julen.castrilloniridoi
No hay comentarios:
Publicar un comentario