Amorebietako
Urritxen jokatuko dute txuribeltzek (17:00)
FUTBOLA
Getafe Brekin eta
Atlético Brekin promozio postuan berdinduta dago Real Union. Hiru jardunaldi
gelditzen dira 2.Bko liga bukatzeko, eta puntu gutxien biltzen dituenak maila
mantentzeko kanporaketa jokatu beharko du. Laudio urrun gelditu da, hogeita
hamasei punturekin. “Play-off txiki bat da”, onartu du gaurko prentsaurrekoan
Sergio Franciscok. Txuribeltzek bi neurketa izango dituzte etxetik kanpo, eta
bakarra Stadium Galen. Lehenengoa Urritxen jokatuko dute bihar, Amorebietaren
kontra (17:00). Irabaztea urrats handia izango litzateke irundarrentzat, baina
lan handia egin beharko dute hiru puntuak eskuratzeko.
Amorebietak jipoia
jaso zuen joan den astean Lezaman. 5-0 galdu zuen Bilbao Athleticen kontra.
Hortaz, zaleei garaipena eskaintzen saiatuko da ordainetan. Hamargarren postuan dago Iñaki Lenizen
taldea, eta Errege Koparako sailkatzea du helburu. Lehenengo itzulian husna
egin zuten Real Unionek eta Amorebietak Stadium Galen. Oraingoan ere neurketa
berdindua espero du Sergio Franciscok: “Amorebieta lehiatzera irtengo da, eta
haien mailan jarri beharko dugu partida irabazteko. Guk gehiago daukagu
jokoan”. Seguinek eta Rodellarrek zigorra bete beharko dute, eta ezin izango
dute jokatu. Aldaketak izango dira, beraz, defentsan eta zelai erdian.
No hay comentarios:
Publicar un comentario