ESKUBALOIA
BIDASOA IRUN 26-29
AMENABAR ZARAUTZ
BIDASOA: Mindegia,
Otegi, Zubiria, Díaz de Cerio (2), Álvarez (2), D.Rincón (1), Aldunate (1), Mujika
(4), Aramburu (6), Jauregi (1), F.Rincón, Ugarte (2), Iriarte (2), Susperregi (
2 ) eta Cavero (3)
ZARAUTZ: Agote, De Carlos, Atorrasagasti, Garate (1), Mugerza (2),
Josu, Sasiain (1), Lertxundi (2), Balenziaga (2), Agirregomezkorta, Etxaniz
(3), Bujanda (2), Ondarroa (6), Agirrezabalaga (6) eta Alzaga (4)
PARTZIALAK: 5´(3-3),10´(6-6), 15´(9-7),20´(10-8),25´(14-11), 30´(16-15).
35´(16-17),40´(18-16),45´(20-20),50´(21-24),55´(24-26), 60´(26-29)
Epaileak: Txema Braz eta Carlos Gude
Aurredenboraldiko lehenengo partida jokatu zuen atzo Bidasoa-Irunek. Emaitza txarra izan zen, Amenabar
Zarautzen aurka galdu baitzuen Artalekun. Ohorezko B Mailan azken aurrena izan
zen talde zarauztarra 2012/2013 denboraldian. Emandako itxura ere ez zen ona
izan, Bidasoak Asobal Ligan jokatuko duela kontuan izanda. Argi dago urte
gogorra izango dela aurtengoa kirol arloan.
Lehenengo zatian taldeen arteko berdintasuna nagusi izan zen, baina
Bidasoak abantaila txikiak izan zituen atsedenaldira arte (16-15). Bigarrenean
Zarautzek gogo, grin eta gaitasun fisiko handiagoa erakutsi zuen. Irundarrak nekatuta iritsi ziren azken hamar
minutuetara eta hor egin zuen aldea Amenabarrek. 45. Minutuko 20nakotik
aurrera, Zarautz izan zen nagusi.
Bigarren proba ostiralean
Lan handia dauka aurretik Fernando Bolea entrenatzaileak. Ostiralean bertan
Asobalen aurkari izango duen Huescaren kontra jokatuko du Bidasoak Jacan.
Jokalari berriek taldekideekin akoplatzeko beste aukera bat izango dute.
Atzokoan, Urtzi Otegik, Ander Iriartek, Ekaitz Mujikak eta Aitor Diaz de Ceriok
lehenengo minutuak izan zituzten.
CD BIDASOA
