Azken minutuan irabazi zuen partida Real Union Bk

FUTBOLA

Real Union B 3-2 Aloña Mendi

Hondarribia 0-2 Beti Gazte

Ohorezko Maila Erregionaleko bigarren postuan jarraitzen du Real Union Bk. Larunbatean Aloña Mendiri irabazi zion Galen, azken minutuan sartutako gol bati esker. Ondo hasi zen partida txuribeltzentzat, baloiaren jabe egin ziren eta 11.minuturako 2-0 jarri ziren markagailuan. Azpirozek eta Balerdik sartu zituzten lehenengo bi golak. Atsedenaldia iristear zegoenean aldea murriztea lortu zuten kanpokoek eta bigarren zatian, binakoa jarri zuten markagailuan. Partida berdinketarekin amaituko zela zirudien, baina 90. minutuan Arzamendik hirugarren gola sartu eta garaipena eman zion filialari. Hirugarren postuan dagoen Bergararen kontra jokatuko du Union Bk asteburuan. 27 puntu dituzte txuribeltzek bi gutxiago Bergarak.

Hondarribiak galdu

Oiartzunen lortutako garaipen garrantzitsuaren ondoren, atzerapausua eman zuen larunbatean Hondarribiak Beti Gazteren aurka. Lesakarrek partida ona egin zuten, presioan eta kontraerasoan nagusi izan ziren eta hiru puntuak eraman zituzten Hondartzatik. Sailkapeneko bederatzigarren postura jaitsi da Hondarribia, baina lehenengo postuetatik hurbilago jarraitzen du, jaitsiera postuetatik baino. Bost puntura dute berdeek hamargarren postuan dagoen Mondragon taldea, eta Arrasaten jokatuko dute hain zuzen ere datorren asteburuan. Partida erabakigarria izango da Mikel Llorenteren Hondarribiarentzat.

                                                                     diariovasco.com